«Ռուսաստանում Հայաստանի մշակութային օրերը» նոյեմբերի 15-ին կմեկնարկեն Տրետյակովյանում Սարյանի մեծ ցուցահանդեսով

Տուն-թանգարանի տնօրեն Ռուզան Սարյանը տեղեկացրեց, որ Մոսկվայի Բախրուշինի անվան թանգարանի տնօրենի հետ պայմանավորվածություն են ձեռք բերել համատեղ ջանքերով հրատարակելու թատերական և բալետային ներկայացումների համար Վարպետի արած գործերի պատկերագիրքը։

Երեկոյի հրավիրյալներին նախարար Ամիրյանը պատմեց, որ Հանրապետության Նախագահ Սերժ Սարգսյանի հանձնարարությամբ և ապա՝ անմիջական վերահսկողությամբ, 2013-2016թթ. Սարյանի տուն-թանգարանը հիմնանորոգվել է, համապատասխանեցվել ժամանակակից պահանջներին, ապահովվել են բոլոր անհրաժեշտ պայմաններն այցելուների որակյալ սպասարկման, գիտական և կրթական ծրագրերի իրականացման համար:

Ավելացված 700 քառ. մ տարածքում ( նոր՝ չորրորդ հարկաբաժին) բացվել են նոր ցուցասրահներ, համերգային դահլիճը, մանկական սրահը։ Ամրացվել են շենքի հիմքերն ու պատերը։ Տուն-թանգարանը հագեցել է ժամանակակից նորագույն տեխնիկայով, այդ թվում՝ վիրտուալ աուդիովիզուալ համակարգերով։ Արդեն գործում է «աուդիովիզուալ գիդ» բջջային հավելվածը։

Ծախսվել է 518 մլն դրամ, որից մոտ 460 մլն-ը հատկացրել է Կառավարությունը՝ ՀՀ պետբյուջեով նախատեսված միջոցների հաշվին:

2016թ. նոյեմբերին վերաբացված Տուն-թանգարանը ջրամատակարարման, ջրահեռացման, հոսանքի սնուցման նոր համակարգեր ունի և հենաշարժողական խնդիրներ ունեցող այցելուների տեղաշարժն ապահովելու հնարավորություն։

Եթե նախկինում Մարտիրոս Սարյանի տուն-թանգարան էր այցելում տարեկան 4 հազար մարդ, ապա այս տարի այն արդեն 30 հազար այցելու է ունեցել։

ՀՀ մշակույթի նախարարություն