Загрузка
X


«Ինտեգրման բանաձևը ամենօրյա շփումներն են». Սփյուռքի նախարար

События / 28.12.2017

Լուսանկարները՝ Հայաստանի հանրապետության սփյուռքի նախարարություն

Դեկտեմբերի 27-ին ՀԲԸՄ Վահե Կարապետյան կենտրոնում ՀՀ սփյուռքի նախարարության աջակցությամբ, «Սիրիահայերի հիմնախնդիրները համակարգող կենտրոն» ՀԿ-ի և ՀԲԸՄ-ի համատեղ նախաձեռնությամբ կազմակերպվել էր Ամանորի տոնական միջոցառում սիրիահայ երեխաների համար:

Լուսանկարները՝ Հայաստանի հանրապետության սփյուռքի նախարարություն

Ողջունելով հանդիպման մասնակիցներին՝ Սփյուռքի նախարար Հրանուշ Հակոբյանը նշեց. «Սիրելի փոքրիկներ, ուզում եմ, որ գալիք տարին լինի երազանքների իրականացման տարի: Թող 2018-ին Ձմեռ պապին նվերներ բերի բոլորիդ: Ամենակարևորը խաղաղություն տիրի ամբողջ աշխարհում: Ուրախ եմ, որ Հայրենիքում եք: Ուզում եմ մնաք Հայրենիքում, միայն երջանիկ ու հաջողակ օրեր ունենաք: Շնորհավոր  Ամանոր ու Սուրբ Ծնունդ»:

Լուսանկարները՝ Հայաստանի հանրապետության սփյուռքի նախարարություն

Պատասխանելով լրագրողների հարցերին՝ Սփյուռքի նախարարը կարևորեց Հայաստանում հաստատված սիրիահայերի հետ ամենօրյա շփումները՝ որպես ինտեգրման բանաձև:

Լուսանկարները՝ Հայաստանի հանրապետության սփյուռքի նախարարություն

«Սիրիահայերի մեծ մասը հաստատվել են Հայաստանում, անցած տարիները բավական եղան, որ ինտեգրվեն: Ես ուզում եմ մաղթել աշխարհին խաղաղություն,  սեր, ջերմություն:

Լուսանկարները՝ Հայաստանի հանրապետության սփյուռքի նախարարություն

Ուզում եմ, որ 2018-ին մեր ժողովուրդն առավել համախմբվի, կազմակերպվի ու նոր տարին դառնա դեպի Հայրենիք վերադարձի տարի: Ուզում եմ, որ մեր երիտասարդները հպարտ հայ մեծանան, պահպանեն մեր լեզուն ու ազգային ավանդույթները», - հավելեց նախարարը:

Ձմեռ Պապի և Ձյունանուշի ուղեկցությամբ երեխաներըը երգեցին, արտասանեցին ու շուրջպար բռնեցին:

Հեղինակ՝ Հայաստանի հանրապետության սփյուռքի նախարարություն