[06/06/16] «Կողոպուտ կես գիշերին» թատերական ներկայացումն Աթենքում
Աթենքի հայ մարզամշակութային «Արարատ» միության «Ծիածան» թատերախումբը, հունիսի 4-ին և հունիսի 5-ին, մայրաքաղաքի Ռենդի շրջանի քաղաքապետարանի «Քամպանելիս» սրահում, բեմականացրեց երկար ամիսներ սպասվող՝ Միրոսլավ Միտրովիչի «Կողոպուտ կես գիշերին» կատակերգությունը:
Հայկ Գասարճյանի բեմադրությամբ՝ արդիական ոճով ու սքանչելի երաժշտությամբ համատեղված բեմականացումը, հունահայ հասարակությանը նվիրաբերեց ավելի քան 75 րոպե ծիծաղ ու զվարճալի մթնոլորտ:
«Ծիածան» թատերախումբն արդեն գործում է շուրջ տասնմեկ տարի: Այդ տարիների ընթացքում խմբին հաջողվել է ի մի բերել հայ և հույն երիտասարդ և երեց դերասանների: Հիշեցնենք, խմբի վերջին ներկայացումներից էր աշխարհահռչակ գրող՝ Վիլյամ Սարոյանի «Իմ սիրտը լեռներում է» ստեղծագործությունը:
«Կողոպուտ կես գիշերին» ներկայացման հիմնական դերակատարներն էին՝
- Գրիգոր Չափարյան՝ Ֆրանք (Գող);
- Հերման Մենենտյան՝ Միլան (Վաճառատան փոխտնօրեն);
- Մաքրուհի Արըճյան՝ Սիլվա (Միլանի կինը);
- Առլետ Հարունյան՝ Զիզի (Միլանի սիրուհին);
- Սիֆի Քասեսյան՝ Ոստիկան:
- Բեմադրիչ՝ Հայկ Գասարճյան;
- Պիեսը հայերեն թարգմանեց՝ Ղ. Ղազանչյանը;
- Փորձերի լուսանկարներ՝ Կարո Աղաբադյան;
- Հարդարում՝ Մերի Չափարյան;
- Հուշարար՝ Ռիտա Մենենտյան;
- Պարուսույց՝ Ռոդոպի Կուբարի;
- Հայտագրի գեղարվեստական պատրաստումը՝ Նիսան Ցուլուքյանի;
- Երաժշտություն՝ Հայկ Գասարճյան;
- Հայտագրի պատրաստումը՝ Սիֆի Քասեսյանի:
Բեմականացումը նվիրված էր «Ծիածան» թատերախմբի հիմնադիր անդամ, վաղամեռիկ՝ Երան Թենեքեջյանի հիշատակին:
Աղբյուրը՝ «Հայաստան» լրատու ցանց, Աթենք
