Գյումրու Վ. Աճեմյանի անվան պետական դրամատիկական թատրոնը հյուրախաղերով հանդես կգա Երևանում

ՀՀ մշակույթի նախարարության աջակցությամբ, Գյումրու Վ. Աճեմյանի անվան պետական դրամատիկական թատրոնի նախաձեռնությամբ՝ ՀՀ ժողովրդական արտիստ, պրոֆեսոր Նիկոլայ Ծատուրյանի ծննդյան 70-ամյակին նվիրված հոբելյանական միջոցառման շրջանակում Գյումրու Վ. Աճեմյանի անվան պետական դրամատիկական թատրոնը հյուրախաղերով հանդես կգա Երևանում: Նիկոլայ Ծատուրյանի բեմադրած ներկայացումները Գյումրու Վ. Աճեմյանի անվան պետական դրամատիկական թատրոնը կցուցադրի մայրաքաղաքի երկու թատերական հարթակներում՝ ս. թ. նոյեմբերի 1-ին, ժամը 19:00-ին Երևանի Հ. Ղափլանյանի անվան դրամատիկական թատրոնում կներկայացվի Կալինոսկու «Հրեշը լուսնի վրա» 2 գործողությամբ դրաման և Կ. Ստանիսլավսկու անվան պետական ռուսական դրամատիկական թատրոնում նոյեմբերի 3-ին, ժամը 19:00-ին, Կրասնոգորովի «Սիրո CASTING» 2 գործողությամբ լիրիկական կատակերգությունը, իսկ նոյեմբերի 4-ին, ժամը 19:00-ին՝ Մարգարյանի «Եվ երկինքէն 3 աթոռ ինկավ» 2 գործողությամբ երաժշտական ֆարսը: