Կոմիտասյան երգերի կատարումներ և թումանյանական ստեղծագործությունների ընթերցումներ. հրավիրում է ՀԱՊ-ը

Հայաստանի Ազգային պատկերասրահի որմնանկարների սրահում հոկտեմբերի 2-ին՝ ժամը 15.00-ին, Կոմիտաս Վարդապետի և Հովհաննես Թումանյանի ծննդյան 150-ամյակին նվիրված միջոցառումների շրջանակում տեղի կունենան կոմիտասյան երգերի կատարումներ և թումանյանական ստեղծագործությունների ընթերցումներ «Մխիթար Սեբաստացի» կրթահամալիրի երգչախմբերի, ՀԱՊ-ի երգչախմբի, ինչպես նաև այցելուների և հյուրերի անմիջական մասնակցությամբ:
ՀԱՊ-ը սիրով հրավիրում է մասնակցելու միջոցառմանը և միասին տոնելու հայ մեծ արվեստագետների տարեդարձը: