Շամշադինի «Մեղրի և հատապտուղների 6-րդ փառատոնը» մեկնարկում է օգոստոսի 12-ին

Օգոստոսի 12-ին և 13-ին Տավուշի Մարզի Բերդ քաղաքում տեղի է ունենալու «Մեղրի և հատապտուղների փառատոնը», որի նպատակն է տարածաշրջանում նպաստել ձեռնարկատիրական գործունեության և մշակութային ակտիվացմանը, խթանել տեղական ապրանքատեսակների արտադրությունը, դիրքավորել տարածաշրջանը որոշակի արտադրական բաղադրիչներով, նպաստել բիզնես շփումներին եւ ձևավորել բարենպաստ զբոսաշրջային միջավայր։ Փառատոնի այս տարվա ծրագրում ներառված է․
Օգոստոսի 12

• Քվեստ խաղ՝ հատուկ մրցանակով,
• «Ջազը սահմանին» փառատոն՝ Հայաստանի պետական ջազ նվագախմբի հետ՝ Արմեն Հյուսնունցի ղեկավարությամբ` ՀՀ մշակույթի նախարարության «Մշակույթային կանգառ» նախաձեռնության հետ համատեղ,
• Երեկոյան հանգիստ և հյուրասիրություն,
• Վրանային գիշերակաց։ 

Օգոստոսի 13

• Մեղրի և հատապտուղների տաղավարներ՝ ցուցահանդես-վաճառք,
• Գյուղական և ազգային սննդի, մթերքների, պահածոների, խմիչքների ներկայացում,
• Ազգագրական երգ ու պար,
• Անվճար գինու հյուրասիրություն,
• Մեղրով տորթի մրցույթ,
• Թեմատիկ անվճար ֆոտոսեսիաներ,
• Գորգագործության, գոբելենագործության, ձեռագործության, փայտամշակման և տարածաշրջանին բնորոշ այլ արհեստների ներկայացում,
• Մանկական խաղահրապարակ և ժամանց,
• Խաղեր ու ժամանցային ծրագիր,
• Շրջայց Շամշադինի գեղատեսիլ վայրերով 

Փառատոնի մանրամասներին կարող եք ծանոթանալ այստեղ՝ Մեղրի և Հատապտուղների Փառատոն։