Հադրութում մեկնարկեց «Դիզակի գույները» միջազգային սիմպոզիումը
Հադրութ քաղաքի Տնջրե ծառի տարածքում տեղի ունեցավ «Դիզակի գույները» խորագրով միջազգային երրորդ նկարչական սիմպոզիումի բացման արարողությունը:
Արցախի Հադրութի շրջանի վարչակազմի աշխատակազմի մշակույթի և երիտասարդության հարցերի բաժնից հաղորդեցին, որ սիմպոզիումին մասնակցում են 15 նկարիչներ աշխարհի տարբեր երկրներից. Արցախ/Հայաստան, Ռուսաստան, Բելառուս, Վրաստան, Հնդկաստան, Ուկրաինա, Լիտվա։
Բացման արարողությանը նրկա էին Արցախի Հադրութի շրջանի վարչակազմի ղեկավար Կ.Պետրոսյանը, Արցախի մշակույթի, երիտասարդության հարցերի և զբոսաշրջության նախարար Լ. Հովհաննիսյանը, Հադրութի բնակիչներ:
Սիմպոզյումի ընթացքում ծրագրված են էտյուդներ Հադրութի պատմամշակութային վայրերում, բաց դասեր արվեստի դպրոցի նկարչական դասարաններում սովորող աշակերտների համար և մի շարք հետաքրքիր անակնկալներ: Ինչպես ամեն տարի, այս տարի ևս այդ ամենի մասին «Ժամ»-ը կպատմի ամենօրյա ռեժիմով:
Շնորհավորում ենք կազմակերպիչներին և բոլոր մասնակիցներին` մաղթելով հետաքրքիր և բեղմնավոր ստեղծագործական օրեր:
Լուսանկարները` «Դիզակ» թերթի
www.zham.ru